കൊച്ചി: കേരള ബ്ലാസ്‌റ്റേഴ്‌സിന്റെ പുതിയ സഹപരിശീലകനെ ടീം മാനേജ്‌മെന്റ് പ്രഖ്യാപിച്ചു. റിസര്‍വ്വ് അസിസ്റ്റന്റ് കോച്ചായിരുന്ന ടി ജി പുരുഷോത്തമനാണ് പുതിയ സഹപരിശീലകന്‍. സഹപരിശീലകനായിരുന്ന ഇഷ്ഫാഖ് അഹമ്മദുമായുണ്ടായിരുന്ന കരാര്‍ അവസാനിച്ചതിനെ തുടര്‍ന്നാണ് പുതിയ സഹപരിശീലകനെ ബ്ലാസ്‌റ്റേഴ്‌സ് പ്രഖ്യാപിച്ചിരിക്കുന്നത്. മൂന്നുവര്‍ഷം ബ്ലാസ്‌റ്റേഴ്‌സ് താരമായിരുന്ന ഇഷ്ഫാഖ് നാലുവര്‍ഷം സഹപരിശീലകനായി പ്രവര്‍ത്തിച്ചശേഷമാണ് കഴിഞ്ഞ സീസണൊടുവില്‍ ക്ലബ്ബ് വിട്ടത്. ഐഎസ്എല്‍ കഴിഞ്ഞ സീസണില്‍ പ്ലേ ഓഫിലെത്തിയ ബ്ലാസ്‌റ്റേഴ്‌സിന് സെമിയിലെത്താനായിരുന്നില്ല. ബംഗലൂരു എഫ് സിയുമായുള്ള പ്ലേ ഓഫ് മത്സരം സുനില്‍ ഛേത്രിയുടെ വിവാദ ഫ്രീ കിക്ക് ഗോളിനെ തുടര്‍ന്ന് ബ്ലാസ്‌റ്റേഴ്‌സ് ബഹിഷ്‌കരിക്കുകയായിരുന്നു. ഇതിനെ തുടര്‍ന്ന് അഖിലേന്ത്യാ ഫുട്‌ബോള്‍ ഫെഡറേഷന്‍ കേരളാ ബ്ലാസ്‌റ്റേഴ്‌സിന് പിഴയും പരിശീലകന്‍ ഇവാന്‍ വുകമനോവിച്ചിന് വിലക്കും ഏര്‍പ്പെടുത്തിയിരുന്നു.മൂന്നു വര്‍ഷമാണ് ടി ജി പുരുഷോത്തമനുമായുള്ള കരാര്‍.ഇവാന്‍ വുകുമനോവിച്ച് ആണ് ബ്ലാസ്‌റ്റേഴ്‌സിന്റെ മുഖ്യപരിശീലകന്‍
